Volkan Konak, këngëtari i njohur turk, ka ndërruar jetë pas një sulmi në zemër gjatë koncertit të tij që po e organizonte me rastin e festës së Fitër Bajramit në Republikën Turke të Qipros së Veriut.
Ky lajm ka tronditur thellë admiruesit e tij, ndërsa fjalët e fundit në skenë janë cilësuar si kritika të hapura kundër burgosjeve të politikanëve në Turqi, transmeton KosovaNews.
“Volkan, mos fol ashpër, të fusin brenda. Eh, lëre, lëre! A nuk e di që revolucionarët nuk kanë frikë? A nuk e di që revolucionarët nuk kanë frikë? Ne jemi ndër ata që, si Deniz Gezmiş, i kanë dhënë goditje litarit të varjes. Nazım Hikmet nuk preu as një pulë, por vuajti 13 vite burg. Jemi pasardhës të Nazım Hikmetit. Çfarë ndodhi me ata që na futën brenda?”
Në vijim të mesazhit të tij, Konak shtoi: “Prandaj, e dashura ime, mos e rëndo zemrën tënde. Vazhdo të më duash. Ngri ballin tënd për t’u puthur, aq i bukur dhe fisnik sa flamuri i Turqisë. Vazhdo të më duash.”
Artisti, i cili dukej i zemëruar pas këtyre fjalëve, u rrëzua papritur në skenë teksa po interpretonte një nga këngët e tij më të njohura.
Pas përpjekjeve fillestare të stafit mjekësor në vendngjarje, ai u dërgua në spital, ku dhe ndërroj jetë pavarësisht të gjitha përpjekjeve të mjekëve.
Vdekja e Volkan Konak ka shkaktuar reagime të shumta nga fansat, kolegët dhe figurat publike në Turqi dhe më gjerë.
Volkan Konak, i lindur në Trabzon në vitin 1967, ishte një nga artistët më të dashur dhe të respektuar në Turqi. Karriera e tij e gjatë dhe e suksesshme përfshinte albume të shumta dhe koncerte të panumërta, duke e bërë atë një ikonë të muzikës turke. Ai ishte i njohur për këngët e tij të ndjera dhe tekstet e thella, të cilat shpesh trajtonin tema të tilla si dashuria, humbja dhe identiteti kombëtar./KosovaNews/
