Kryeministri i Kosovës, Albin Kurti, ka shprehur ngushëllimet e tij të thella për humbjen e 51 jetëve në Koçan të Maqedonisë së Veriut, si pasojë e një shpërthimi tragjik zjarri në një klub nate.
“Jam thellësisht i pikëlluar nga lajmi për humbjen shkatërruese të 51 jetëve në Koçan, Maqedonia e Veriut, si rezultat i një shpërthimi tragjik zjarri në një klub nate,” shkroi Kurti në një postim në rrjetet sociale.
Ai shprehu ngushëllimet e tij më të thella për familjet që humbën të dashurit e tyre, si dhe për udhëheqësit dhe qeverinë e Republikës së Maqedonisë së Veriut dhe të gjithë vendin në këtë kohë zie.
“U uroj shërim të shpejtë dhe të plotë të lënduarve,” shtoi Kurti.
Tragjedia në Koçan ka shkaktuar pikëllim të madh në të gjithë rajonin, duke nxitur reagime solidariteti dhe mbështetjeje nga udhëheqës të ndryshëm.
LEXO PO ASHTU:
