Të 21 personat e arrestuar gjatë protestës së zhvilluar para Parlamentit do të dalin këtë të diel para Gjykatës së Shkallës së Parë, ku pritet të njihen me masat e sigurisë.
Ndërkohë, dhjetëra protestues janë mbledhur para godinës së gjykatës në mbështetje të të arrestuarve, ndërsa pritet zhvillimi i një proteste gjatë seancave gjyqësore.
Arrestimet e kryera pas protestës së para Parlamentit shkaktuan tensione edhe mbrëmjen e së shtunës në Tiranë.
Pas përfundimit të marshimit, një grup protestuesish u përplas me forcat e policisë pranë Komisariatit nr. 3, në rrugën “Mine Peza”, ku mbaheshin të ndaluarit. Situata u shoqërua me momente tensioni, ndërsa protestuesit kërkuan lirimin e të arrestuarve.
