Ambasadori i Gjermanisë për deklaratën e BE-së: Thirrje e qartë për Kosovën dhe Serbinë

Ambasadori i Gjermanisë në Kosovë, Jorn Rohde, e ka mirëpritur deklaratën 27 vendeve anëtare të Bashkimit Evropian për dialogun Kosovë-Serbi.

Ai përmes një postimi në Twitter ka thënë se thirrja drejtuar dy vendeve është shumë e qartë.

Sipas tij, Kosova dhe Serbia duhet të angazhohen në mënyrë konstruktive dhe me mirëbesim pa vonesa të mëtejshme.

“Një thirrje e qartë kristal e Bashkimit Evropian drejtuar Kosovës dhe Serbisë që të angazhohen në mënyrë konstruktive dhe me mirëbesim pa vonesa të mëtejshme”, ka shkruar ai në Twitter.

Bashkimi Evropian ka bërë thirrje që puna për formimin e Asociacionit të komunave me shumicë serbe të nisë pa ndonjë shtyrje të mëtejmë apo parakushte.

Read HR @JosepBorrellF's statement on behalf of EU-27 member states 🇪🇺 on the KOS-SRB dialogue. A crystal clear appeal by the EU-27 towards KOS🇽🇰 and Serbia🇷🇸 to engage constructively and in good faith without further delay!
👇👇https://t.co/HuFJtF9qEU

— Ambassador Jörn Rohde (@GermanAmbKOS) September 19, 2023