Nga ligji për përfitimet e ish zyrtarëve të lartë, kanë përfituar edhe ish-Kryeministrat e Republikës së Kosovës.
Isa Mustafa, ish-Kryeministër i Kosovës nga tetori 2017 deri me janar 2023 ka realizuar 70 % të pagës së Kryeministrit, duke përfituar shumën totale neto afër 87 mijë euro.
Bashkë me ish-kryeministrin Mustafa, kanë përfituar edhe truproja dhe vozitësi i tij.
Feti Gashi, vozitësi dhe tash asistenti i Mustafës nga tetori 2017 deri në janar 2023 ka përfituar shumën totale neto mbi 27 mijë euro.
Agim Sponca, truproje i ish-Kryeministrit Mustafa për të njëjtën periudhë ka përfituar afër 25 mijë euro.
Sipas të dhënave zyrtare të Zyrës së Kryeministrit, sipas vendimeve secilit kabinet i takojnë nga 100 euro mbushje për stafin përcjellës. Kështu, Mustafa deri në shkurt 2023 ka shfrytëzuar 7.500 euro mbushje.
Ndërsa derivate të shprehura në litra, nga 2018 deri në 2022, ai ka shpenzuar 7 mijë e 147 litra.
Ish-Kryeministri Ramush Haradinaj, nga qershori 2020 deri më 30 mars 2021 ka përfituar shumën totale neto mbi 12 mijë euro.
Bashkë me të kanë përfituar truproja, vozitësi dhe asistenti i lartë i tij.
Afrim Ahmetxhekaj- truproja i Haradinajt nga qershor 2020 deri në janar 2023 ka përfituar shumën totale neto afër 13 mijë euro.
truproja i Hotit, Nderim Kadriaj nga maji 2022 deri me janar 2023 ka përfituar mbi 3 mijë euro.
Hoti gjithashtu në vitin 2022 ka shpenzuar 1 mijë e 63 litra derivate.
Privilegjet e ligjit për përftimet e ish-zyrtarëve të lartë nga ana e ish-kryetarëve të Kuvendit të Kosovës deri më tani i ka shfrytëzuar vetëm Jakup Krasniqi.
Krasniqi, nga viti 2015 deri në shkurt 2023, ka përfituar mbi 173 mijë euro pagë neto.
Ndërsa, ish-kryetari Kadri Veseli, i cili ishte në krye të Kuvendit në dy legjislatura gjatë periudhës 2014-2019, ka zgjedhur të mos përfitojë nga ky ligj.
Për më shumë, ndiqeni hulumtimin “Privilegjet e ish-Zyrtarëve të lartë”, në KTV, TVArta dhe “Betimi për Drejtësi”./
