Më shumë se 100 punonjës të Kombeve të Bashkuara janë vrarë që nga fillimi i luftës në Gazë mes Izraelit dhe Hamasit, tha të premten agjencia e OKB-së për refugjatët palestinezë, UNRWA. Ky konflikt ka shkaktuar numrin më të lartë të vdekjeve të punonjësve të OKB-së, në një kohë kaq të shkurtër.Disa u vranë ndërsa prisnin në radhë për bukë; të tjerët vdiqën së bashku me familjet në shtëpitë e tyre, i tha agjencia e OKB-së për refugjatët palestinezë agjencisë së lajmeve Reuters.“Ndihem i dëshpëruar. U konfirmua se mbi 100 kolegë të agjencisë janë vrarë në 1 muaj. Prindër, mësues, infermierë, mjekë, staf mbështetës. Agjencia është në zi, palestinezët në zi, izraelitët në zi”, tha Philippe Lazzarini në platformën e mediave sociale X. Agjencia tha më vonë ae ishin vrarë 101 punonjës.“Ata dëshmojnë atë që po ndodh me popullin e Gazës. Ata punojnë për OKB-në”, tha Juliette Touma, Drejtore e Komunikimeve në agjencinë UNRWA. “Ata dhe çdo civil tjetër në Rripin e Gazës… nuk duhet të vriteshin kurrë”.Punonjësit e OKB-së në mbarë botën do të mbajë një minutë heshtje dhe flamujt do të ulen në gjysmështizë të hënën, tha organi global.Izraeli fajëson Hamasin për vdekjet e civilëve në Gazë, duke thënë se Hamasi e përdor popullsinë si mburojë njerëzore dhe fsheh armë dhe pajisje përreth spitaleve, objekte që janë goditur gjatë sulmeve.
Përveç Gazës, konflikti tjetër më vdekjeprurës për punonjësit e ndihmës së OKB-së ishte ai në Nigeri, në vitin 2011, kur një vetvrasës sulmoi zyrën e saj në Abuja, duke vrarë 46 punonjës.Konflikti i vazhdueshëm i Sudanit të Jugut la të vrarë 33 punonjës të OKB-së dhe 33 të tjerë u vranë në Afganistan në vitin 2009 ndërsa trupat amerikane luftuan kundër talebanëve, sipas të dhënave të “Aid Worker Security Database”, një platformë e financuar nga Shtetet e Bashkuara që harton raporte mbi incidentet e mëdha të sigurisë që prekin punonjësit e ndihmave.Sipas të dhënave, në Gazë janë vrarë edhe shtatë punonjës të tjerë, jo të OKB-së.E themeluar në vitin 1949, pas luftës së parë arabo-izraelite, agjencia e OKB-së për refugjatët palestinezë UNRWA ofron shërbime publike, përfshirë shkollat, kujdesin shëndetësor dhe ndihmën ushqimore. Shumë nga 5000 punonjësit e UNRWA-s që punojnë në Gazë janë refugjatë palestinezë.Rregullat për punonjësit e OKB-së, parashikojnë kompensim në rast vdekjeje, përfshirë disa kosto funerali dhe një pagesë vjetore për familjet.Por agjencia UNRWA, e cila kishte probleme financiare edhe para krizës aktuale, thotë se nuk është e sigurt as nëse mund t’i përballojë pagat për punonjësit deri në fund të vitit./VOA
