Një aksident me fatalitet ka ndodhur sot pasdite në Prizren, ku një këmbësor është goditur për vdekje nga një veturë.
Sipas informacioneve të para, viktima është një mashkull rreth 80 vjeçar. Lajmin e ka konfirmuar zëdhënësi rajonal i Policisë në Prizren, Shaqir Bytyqi.
“I dyshuari aktualisht ndodhet në Stacionin Policor të Prizrenit.
Për veprimet e mëtejshme administrative dhe penale do të koordinohemi me Inspektoratin Policor të Kosovës (IPK) dhe Prokurorin Kujdestar, për çka do të njoftoheni me kohë. Lidhur me rastin janë njoftuar Prokurori i Shtetit dhe IPK-ja, të cilët janë duke u marrë me procedurat e nevojshme hetimore,” tha Bytyqi.
Burime të KosovaNews brenda policisë bëjnë të ditur se personi i dyshuar është Isë Gashi, zyrtar policor nga Prizreni, i cili në momentin e aksidentit ishte jashtë detyrës dhe po lëvizte me veturë private.
Rasti është duke u hetuar nga Inspektorati Policor i Kosovës, ndërsa trupi i pajetë i viktimës është dërguar për obduksion.
