Deputetja dhe nënkryetarja e Partisë Liri dhe Drejtësi, Marinika Tepiq, ka shkruar në Twitter se i vjen keq për qytetarët që u sollën me dhunë sot në Beograd për mbledhjen e Partisë Progresive Serbe të Aleksandar Vuçiq.
Ajo shtoi se “ne mund të dalim çdo fundjavë, e ata mund të dalin vetëm një herë”, duke theksuar se dinjiteti nuk blihet.
Një numër i madh njerëzish sjellin sot me dhunë, më vjen keq për ta. Por, qytetarë të Beogradit, qëndroni të qetë. Dhe kjo do të marrë fund. Mund të dalim çdo fundjavë, ata e pëlqejnë këtë vetëm një herë”, ka shkruar ajo në Twitter.
Deputetja më tutje deklaroi se dinjiteti i qytetarëve nuk mund të blihet. Tepiq ftoi qytetarët që nesër në orën 18 të vijnë në protestën “Serbia kundër dhunës”.
Theksojmë se shumë qytetarë po marrin pjesë në këtë tubim nën presion siç është rasti i një nëne nga Gjilani, e cila ka pohuar se në këtë ngjarje po merr pjesë pasi nuk dëshiron të humb vendin e punës.
Protestat “Serbia kundër dhunës”, të cilat çdo të premte janë gjithnjë e më masive, organizohen për shkak të gjendjes në vend dhe pakënaqësisë në rritje të qytetarëve pas dy masakrave që ndodhën në Serbi në fillim të muajit.
Në protestat e organizuara të premten e kaluar, dhjetëra mijëra qytetarë të pakënaqur të Serbisë thërrisnin, “Vuçiq jep dorëheqje”.
Po ashtu, qytetarët e mbledhur kërkuan shkarkimin e shefit të BIA-s, Aleksandar Vulin dhe ministrit të Policisë, Bratislav Gashiq
Lexo po ashtu:
