Malisheva ka zyrtarizuar sot emërimin e Sami Borocit si Drejtorin e ri Sportiv të klubit, në një hap të madh për të forcuar kapacitetet organizative dhe për të vazhduar zhvillimin në drejtimin e duhur.
Boroci, një figurë me përvojë të gjatë si në sektorin publik ashtu edhe në atë privat, njihet për përkushtimin dhe vizionin e tij në futboll.
“Ai është gjithashtu një nga themeluesit e KF Prishtina e Re, klub të cilin e ka drejtuar për pesë vite – nga dita e parë, deri në inkuadrimin në Superligën e Kosovës”
“Për Malishevën, ky nuk është vetëm një ndryshim në strukturë, por një hap i rëndësishëm drejt të ardhmes që synojnë. Klubi ka theksuar se me përvojën dhe pasionin e Borocit, Malisheva është e bindur se do të arrijë suksese të reja, duke ndjekur objektivat e vendosura dhe duke fuqizuar frymën e bashkëpunimit që gjithmonë ka karakterizuar klubin”, thuhet në njoftimin e klubit.
Me këtë emërim, Malisheva po hedh themelet për një sezon të fortë dhe të suksesshëm, duke i dhënë rëndësi qartë zhvillimit të futbollit në të gjitha nivelet.
