Llapi ka nënshkruar kontratë profesionale me talentin e sulmit, 18-vjeçarin Donat Mehmeti, i cili shpërblehet me një marrëveshje afatgjatë (4+1 vjeçare) pas paraqitjeve të jashtëzakonshme me ekipin U21.
Në vetëm 10 ndeshje gjatë stinorit pranveror, Mehmeti ka realizuar 13 gola, duke dëshmuar instinkt të lartë golashënuesi dhe një efikasitet mbresëlënës para portës.
Karrierën e ka nisur tek SHF Podujeva, më pas ka kaluar te Llapi U19, Besa Kavajë, dhe për një periudhë 6-mujore ka qenë pjesë e 2 Korrikut U19, me të cilin ka përfaqësuar Kosovën në UEFA Youth League.
Pas rikthimit te Llapi këtë pranverë, Mehmeti ka debutuar edhe me ekipin e parë, duke regjistruar tri paraqitje zyrtare.
Mehmeti është shpërblyer me kontratë afatgjate (4+1 vjeçare).
