Në sencën e djeshme në Gjykatën Speciale në Hagë ku po jep dëshminë Bislim Zyrapi, ish- shef i shtabit të UÇK-së nga avokati mbrojtës i këtij të fundit është lakuar emrin i Zoran Stijoviçit i cili gjatë kohës së luftës ka qenë shef i seksionit të analizave në Shërbimin e Sigurimit Shtetëror të Serbisë për Kosovën(UDB) raporton KosovaNews.
Avokati mbrojtës pyeti z. Zyrapi se a e njihte Zoran Stihoviçin ndërsa Zyrapi mohoj ta ketë njohur ndërkaq avokati tha se Zoran Stihoviçi ka dhënë dëshmi publikisht në tribunalin e Hagës dhe ka thënë se sigurimi serb kishte më së paku 200 bashkëpuntorë brenda UÇK-së.
Për këtë ka reaguar deputeti i Lëvizjes Vetëvendosje Salih Zyba i cili ka goditur Baton Haxhiun pasi që ky i fundit gjatë dëshmisë së tij në gjykimin ndaj Millosheviçit kishte deklaruar se e ka takuar Zoran Stihoviçin.
“Sot, në Gjykatën Speciale për dëshmi ishte Bislim Zyrapi, shefi i shtabit të UÇK-së. Nga njëri prej avokatëve mbrojtës z. Zyrapi u pyet për një punonjës të UDB-së me emrin Zoran Stijovic, i cili dikur kishte dhënë dëshmi si punonjës i UDB-së për spiunët e vet në Kosovë.
Në anën tjetër, Baton Haxhiu në gjykimin ndaj Millosheviqit kishte deklaruar se ka folur dhe e ka takuar këtë Zoran Stijoviqin, madje sipas deklaratës së tij shihet që ky takim kishte ndodhur pas bisedës informative të tij me 2 tetor 1997”
Baton Haxhiu jo më larg se 1 vit më parë në emisionin e gazetarit Çim Peka duke e shpjeguar se pse e quajnë me nofkën “Baton Stanishiqi” publikisht e ka pranuar se është takuar në vitin 1997 me Jovica Tanishiçin ish-shefin e UDB-së në kohën e Millosheviçit.
Haxhiu pa mëdyshje kishte thënë se takimi me Staniqshiqin është takimi më mbreslënës në jetën e tij dhe se për këtë ndjehet shumë krenar…
