Një prej kateve të një ndërtese në afërsi të Parkut të Qytetit në Prishtinë sot është kapluar nga flakët, duke lënë të lënduar disa persona.
Në vendin e ngjarjes për të vënë nën kontroll zjarrin kanë dalë një numër i madh zjarrfikësish.
Edhe kryetari i Prishtinës, Përparim Rama, ka dalë në vendin ku ka ndodhur zjarri. Ai shihet duke biseduar me disa prej zjarrfikësve teksa bëheshin përpjekjet për shuarjen e zjarrit.
Postimi i Plotë:
Një ndërtesë u përfshi nga flakët sot në Prishtinë. Dola në terren për ta parë nga afër gjendjen dhe për t’i falënderuar personalisht zjarrfikësit, Policinë e Kosovës, ekipet shëndetësore dhe të gjitha ekipet e drejtorisë për siguri dhe emergjenca n’Kryeqytet, që reaguan me shpejtësi, profesionalizëm dhe përkushtim për të menaxhuar situatën dhe për t’u ardhur në ndihmë qytetarëve.
Mirënjohje për secilin që ishte në terren. Lutemi për shërim sa më të shpejtë të të lënduarve dhe urojmë që ngjarje të tilla të mos përsëriten më. 🙏🚒🚑
