Pasi përfundoi fjalimin Sali Berisha, qindra protestues në emër të “Rithemelimit” hodhën koktejë molotovi përpara objektit të Kryeministrisë në Tiranë.
Ish-kryeministri Sali Berisha përshëndeti qytetarët me një fjalim nga banesa e tij, ku akuzoi qeverinë për procesin gjyqësor ndaj tij dhe shpalljen “non-grata”, shkruan euronews albania.
Kur dukej se gjithçka po shkonte qetësisht në protestën e thirrur nga opozita, disa protestues kanë hedhur gurë, tymuese dhe shishe me molotov drejt forcave të policisë që kanë krijuar një gardh para Kryeministrisë.
Eksponentët e lartë të Rithemelimit, përfshirë kreun e grupit parlamentar të PD Gazmend Bardhi marshuan së bashku me mbështetësit nga selia blu në drejtim të Kryeministrisë.
