Një zjarr ka shpërthyer sot në një deponi të mbeturinave në fshatin Llojza të komunës së Ferizajt.
Sipas informacioneve të para nga terreni, dyshohet se zjarri ka shpërthyer si pasojë e djegies së një hamulloreje në afërsi të zonës, çka mund të ketë shkaktuar përhapjen e flakëve në mbeturinat e grumbulluara.
Autoritetet lokale ende nuk kanë bërë të ditur nëse ka persona të lënduar apo dëme të tjera materiale.
Zyrtarët e zjarrfikësve janë në vendin e ngjarjes dhe po punojnë për neutralizimin e zjarrit dhe parandalimin e përhapjes së tij në zonat përreth.
