Sot pëfundon afati për partitë politike të regjistruara për të njoftuar KQZ-në se për zgjedhjet të cilat do të mbahen më 28 dhjetor 2025 do të marrin pjesë përmes koalicionit.
Siç kishte njoftuar KQZ-ja kjo periudhë pati filluar më 24 nëntor, për të përfunduar ditën e sotme.
Deri dje “(e shtunë, 29 nëntor 2025, ora 13:00), KQZ, respektivisht Zyra për Regjistrim, Certifikim dhe Kontrollin Financiar të Subjekteve Politike ishte njoftuar për formimin e dy koalicioneve për pjesëmarrje në zgjedhje, si në vijim: “PAI – PDAK – LPB”, i përbërë nga 3 parti politike: Partia e Ashkalinjëve për Integrim (PAI), Partia Demokratike e Ashkanlive të Kosovës (PDAK) dhe Lëvizja për Bashkëveprim (LPB)”, njoftoi KQZ-ja.
“Koalicioni VAKAT, i përbërë nga 3 parti politike: Demokratska Stranka Bošnjaka (DSB), Bošnjačka Stranka Kosova (BS-K) dhe Demokratska Stranka Vatan (DSV)”, thuhet në njoftim.
KQZ theksoi se koalicioni mund të ndërtohet nga së paku dy parti politike. Partia politike nuk mund të tërhiqet nga koalicioni pasi të jete certifikuar deri sa rezultati i zgjedhjeve të certifikohet nga ana e tyre.
