Gjykata Speciale njofton se pas zgjatjes së afatit për dorëzimin e dosjes së apelit të Mbrojtjes, paneli i Gjykatës së Apelit gjithashtu miratoi, pjesërisht, një kërkesë të ngjashme të ZPS-së dhe të Mbrojtësit të Viktimave, të cilët autorizohen që të dorëzojnë dosjet e tyre të përgjigjeve deri më 17 janar 2025, në rastin e Pjetës Shalës.
Shala u arrestua më 16 mars 2021 në Belgjikë dhe u transferua në objektin e paraburgimit të Dhomave të Specializuara të Kosovës më 15 prill 2021
Ndryshe aktgjykimi në rastin Shala u shpall më 16 korrik 2024: Trupi Gjykues e shpalli të akuzuarin fajtor për krimet e luftës të ndalimit arbitrar, torturës dhe vrasjes së paligjshme dhe e dënoi me 18 vjet burgim. Kurse shqiptimi i urdhrit për zhdëmtimin e viktimave është planifikuar për datën 29 nëntor 2024.
