Një studim i publikuar në revistën Headache ka zbuluar se lloji më i padurueshëm i dhimbjes në botë është dhimbja e kokës e tipit “cluster”. Ky lloj dhimbjeje lë pas edhe dhimbjen e lindjes, duke u shfaqur papritmas dhe pa asnjë paralajmërim. Shumë njerëz mendojnë se dhimbja e lindjes është një nga dhimbjet më të forta në botë, por një analizë e fundit e ka hedhur poshtë këtë tezë, transmeton KosovaNews
Shkencëtarët thonë se dhimbjet e kokës “cluster” janë ndër dhimbjet më të forta që një njeri mund të përjetojë, duke theksuar se ky lloj dhimbjeje është relativisht i rrallë.
Shumica e pacientëve që vuajnë nga dhimbjet e kokës “cluster” përjetojnë dhimbje “epizodike”. Kjo gjendje shfaqet në sulme që zgjasin nga katër deri në dymbëdhjetë javë. Studiuesit amerikanë kanë zbuluar se dhimbjet e kokës “cluster” janë më të padurueshme se dhimbja e lindjes, sulmet në zemër, plagët e shkaktuara nga armët dhe thyerjet e kockave.
Në studimin e fundit, rreth 2 mijë pjesëmarrës krahasuan dhimbjen që përjetuan gjatë sulmeve të dhimbjes së kokës me dhimbje të tjera të forta.
Pjesëmarrësit u kërkuan të vlerësonin dhimbjen e tyre në një shkallë nga 0 në 10, ku vlerat mbi 7 konsideroheshin “dhimbje të forta”.
Dhimbja e kokës “cluster” kryeson listën me një mesatare prej 9.7 pikësh nga 10, ndërsa dhimbja e lindjes renditet e dyta me 7.2 pikë.
Gurët në fshikëzën e tëmthit renditen të pestët, ndërsa plagët e shkaktuara nga armët e zjarrit renditen të gjashtat.
Rrëshqitja e diskut të shtyllës kurrizore renditet e shtata, ndërsa dhimbjet e forta të kokës të shkaktuara nga migrena renditen të tetat.
Fibromialgjia (dhimbje dhe ndjeshmëri e përhapur në trup) renditet e nënta, ndërsa thyerjet e kockave renditen të dhjetat.
Dhimbjet e kokës “cluster” mund të fillojnë dhe të mbarojnë papritmas dhe pa asnjë paralajmërim. Këto dhimbje koke mund të zgjasin nga 15 minuta deri në 3 orë dhe zakonisht shkaktojnë një dhimbje të mprehtë, djegëse ose shpues në një anë të kokës, rreth syve.
Pacientët gjithashtu mund të vërejnë simptoma të tilla si skuqje, ënjtje, lotim të syve, bllokim ose rrjedhje të hundës.
.
