Policia e Kosovës ka njoftuar për një zhvillim të rëndësishëm lidhur me rastin e tentativës për vrasje të ndodhur më 27 qershor 2025 në rrugën “Isa Kastrati” në Prishtinë.
Pas hetimeve të intensifikuara, më 1 korrik është identifikuar i dyshuari mashkull kosovar, i cili është paraqitur vetë në stacionin policor, i shoqëruar nga avokati i tij.
Gjatë intervistimit, i dyshuari ka dhënë informacion për vendndodhjen e një pistolete që dyshohet se është përdorur gjatë ngjarjes. Arma është lokalizuar dhe sekuestruar nga njësitet relevante të policisë.
Me vendim të prokurorit të rastit, i dyshuari është dërguar në mbajtje. Hetimet po vazhdojnë për të ndriçuar plotësisht motivet dhe rrethanat e këtij rasti të rëndë.
