Një person është arrestuar ditën e sotme në Vushtrri nën dyshimin se ka shkrepur me armë zjarri dhe këtë gjë e ka xhiruar dhe postuar në rrjete sociale.
Hetuesit policorë në kuadër të Stacionit Policor në Vushtrri, gjatë ditës së sotme kan identifikuar dhe arrestuar personin e dytë të dyshuar për shkrepje me armë. Në cilësi të provës materiale nga i dyshuari është konfiskuar një armë e llojit pistoletë.
I njëjti, ditë më parë së bashku me një të dyshuar tjetër në rrjete sociale kishin postuar video ku shiheshin duke shkrepur me armë.
Pas intervistimit, me vendim të prokurorit i dyshuari është liruar, hetimet e mëtejme do të vazhdojnë në procedurë të rregullt
