Një person është arrestuar si i dyshuar për veprën penale “Vrasje në tentativë”.
Sipas policisë, në vendin e ngjarjes fillimisht ishin gjetur tri gëzoja, ndërsa dy të dyshuarit kishin ikur. Një nga të dyshuarit tashmë është arrestuar dhe i është caktuar masa e ndalimit për 48 orë, ndërsa tjetri është në kërkim.
Njoftimi i policisë:
Arrestohet një person i dyshuar për veprën penale Vrasje në tentativë
Mitrovicë e Jugut , 14 shtator 2025
Hetuesit e Sektorit Rajonal të Hetimeve me datën 14 shtator 2025 kanë identifikuar dhe arrestuar një person të dyshuar për veprën penale vrasje në tentative e ndodhur një ditë më parë në Vushtrri.
Arrestimi i të dyshuarit m/k/sh është bërë mbi dyshime të bazuara se me datën 13 shtator 2025 në Vushtrri, pas një mosmarrëveshje i dyshuari dyshohet se kishte shtënë me armë zjarri ne veturën e viktimës, ku në vendin e ngjarjes janë gjetur tri gëzhoja.
Pas veprimeve hetimore janë identifikuar dy persona te dyshuar njeri prej tyre është arrestuar dhe nga i njëjti është konfiskuar një armë zjarri me pesë fishek për te cilën dyshohet se është përdorur ne rast.
Të dyshuarit të arrestuar me aktvendim të prokurorit i është caktuar masa e ndalimit për 48 orë. Hetuesit policor janë duke vazhduar hetimet për arrestimin e personit tjetër të dyshuar.
