Presidentja e Komisionit Evropian, Ursula von der Leyen, i ka dhënë “fund çdo dyshimi” nëse qytetarët e Kosovës do të udhëtojnë pa viza nga një janari i vitit 2024.
Përmes njëpostim në platformen X, ajo është shprehur se BE-ja dhe Kosova do të ecin së bashku, dhe që mund të festojmë faktin që Kosova do të jetë pa viza nga 1 janari.
“BE-ja është e përkushtuar për një të ardhme ku të gjashtë partnerët e Ballkanit Perëndimor janë pjesë e Unionit tonë. Kjo është një rrugë që BE-ja dhe Kosova do të ecin së bashku. Tashmë mund të festojmë faktin që Kosova do të jetë pa viza nga 1 janari”, shkroi Ursula von der Leyen.
