Komuna e Pejës nuk ka pranuar të marrë përgjegjësi për rastin e rëndë që ka ndodhur në një shtëpi për të moshuar në këtë qytet, ku është ushtruar dhunë fizike ndaj një të moshuare nga stafi.
Kjo pasi sipas Komunës, institucioni së fundmi është privatizuar.
“Nuk mund të marrim përgjegjësi pasi institucioni është themeluar nga komuna, por është privatizuar së fundmi”, ka thënë për Telegrafin Faik Zekaj, zëdhënës i Komunës së Pejës.
Lexo po ashtu:
Telegrafi mëson se bëhet fjalë për shtëpinë private të pleqve “Orenda” në Pejë.
Ndryshe, në një video të publikuar në rrjetet sociale shihet se si disa punonjëse kanë sulmuar një të moshuar, ndërsa ngjarje xhirohet nga të tjerat, e po ashtu dëgjohen edhe të qeshura.
Qytetarët janë shprehur të tronditur nga pamjet, derisa u kanë bërë thirrje autoriteteve që të ndërmarrin masa.
Nga Prokuroria Themelore e Pejës i kanë thënë Telegrafit se prokurori është duke shkuar në vendin e ngjarjes dhe pas procedurave hetimore do të ndërmarr masa ndaj personit ose personave të përfshirë.
Telegrafi gjithashtu ka kontaktuar me Policinë dhe Shtëpinë e të Moshuarve dhe është në pritje të informacioneve.
Lexo po ashtu:
