Sekretari i Përgjithshëm i NATO-s Jens Stoltenberg ka patur diskutime në Beograd me presidentin i Serbisë, Aleksandar Vuçiq, ku kanë diskutuar për zhvillimet e fundit të sigurisë në Ballkanin Perëndimor, dhe rolin e NATO-s në rajon.
Sekretari i NATO-s ka diskutuar me Vuçiqin mundësinë e rifillimit të stërvitjeve të përbashkëta ushtarake dhe trajnimeve për gatishmëri civile.
“Ne do të mirëpresim mundësinë e rifillimit të këtyre lloj stërvitjeve në të ardhmen dhe pres që të forcojmë më tej bashkëpunimin tonë”, thuhet në komunikatën e NATO-së.
Stoltenberg ka theksuar rëndësinë e partneritetit ndërmjet NATO-s dhe Serbisë.
“Serbia është një aktor i rëndësishëm rajonal dhe një partner afatgjatë i NATO-s. Një shembull i mirë i bashkëpunimit tonë është puna e përbashkët që kemi bërë gjatë 10 viteve të fundit përmes Programit Shkencë për Paqe të NATO-s, në fusha të ndryshme, duke përfshirë sigurinë e energjisë dhe mjedisit, teknologjitë e avancuara dhe mbrojtjen kibernetike”, ka thënë Stoltenberg.
Më tej ai i bëri thirrje Kosovës dhe Serbisë që të angazhohen në mënyrë konstruktive në dialogun e lehtësuar nga BE-ja, pasi kjo është e vetmja rrugë drejt paqes dhe stabilitetit të qëndrueshëm.
Sekretari i Përgjithshëm ka theskuar rolin e misionit paqeruajtës të KFOR-it në Kosovë.
“Për dy dekada, KFOR-i ka siguruar një mjedis të sigurt dhe të sigurt në Kosovë për të gjitha komunitetet. Ne do të vazhdojmë ta bëjmë këtë në mënyrë të paanshme dhe në përputhje me mandatin tonë të OKB-së. Në maj, trupat tona të KFOR-it u sulmuan. Nëntëdhjetë e tre prej tyre u plagosën, disa pësuan lëndime që ndryshoi jetën. Në shtator pamë një tjetër shpërthim të dhunës së rëndë në Kosovë, kjo është e papranueshme. Faktet duhet të vërtetohen, autorët duhet të përballen me drejtësinë. Prandaj e mirëpres që Serbia është e përgatitur për të bashkëpunuar në këto përpjekje”, ka thënë ai.
“Ndërsa ishte në Beograd, Stoltenberg u takua edhe me kryeministren e Serbisë Ana Brnabić dhe pa shembujt më të fundit të bashkëpunimit shkencor NATO-Serbi”, thuhet në komunikatën e NATO-së.
