Deputetët e Kuvendit të Kosovës nga radhët e Lëvizjes Vetëvendosje, e kanë lëshuar seancën e Kuvendit në shenjë revolte.
Ata u revoltuan pasi vazhdimi i seancës së rregullt u ndërpre, dhe nisi seanca e jashtëzakonshme.
Ardian Gola kërkoi shpjegim pse u ndërpre seanca e nuk u përfunduan votimet e parapara, e pastaj të vazhdohet me seancë të jashtëzakonshme.
Por nuk e lëshuan sallën tre deputetët e VV-së, Visar Korenica, Eman Rrahmani e Gramos Agusholli, e po ashtu nuk e lëshuan sallën edhe Grupi multietnik. Ndërkaq me vazhdimin e seancës në sallë nga shumica ka mbetur vetëm deputeti Rrahmani.
Seanca e jashtëzakonshme, e paraparë të fillonte nga ora 12:00, nisi me gjysmë ore vonesë.
Në të do të debatohet në lidhje me nevojën për ngritjen e koeficientit të pagave.
