Pak para se të nisë seanca gjyqësore ndaj Dardan Krivaçës dhe Arbër Sejdiut, të akuzuar për vrasjen e Marigona Osmanit, Kolektivi për Mendim dhe Veprim Feminist ka vendosur disa shkrime në objektin e Gjykatës Themelore të Ferizajt.
Në një njoftim publik, ky Kolektiv ka thënë se nuk do të lejojë që rasti i Osmanit të shndërrohet “në thjesht një lëndë tjetër e cila lëngon në raftet e sistemit gjyqësor patriarkalo-paternalist për të gjetur padrejtësinë”.
“Marigona nuk mund të vritet për s’dytsh”, thuhet në reagim.
Ato kanë marrë copë nga aktakuza në të cilën Prokuroria ka përmbledhur në 24 faqe akuzën për dhunimin dhe vrasjen e Marigonës.
