Policia e Kosovës ka njoftuar se një burrë i cili është aksidentuar në Prishtinë më 13 prill, ka vdekur në Qendrën Klinike Universitare të Kosovës (QKUK), ku ka qenë duke u trajtuar.
“Lidhur me rastin, raportohet se më 21.04.2025 në QKUK, ka ndërruar jetë viktima mashkull kosovar që ishte duke u trajtuar pasi ishte aksidentuar më 13.04.2025”, thuhet në raportin 24 orësh të Policisë.
Me vendim të prokurorit, trupi i pajetë thuhet se u është liruar familjarëve, ndërsa rasti do të trajtohet në procedurë të rregullt.
