Policia ka njoftuar se të shtunën ka vdekur burri që ishte rrëzuar më 4 shkurt nga lartësia e një objekti në ndërtim në Fushë-Kosovë.
“Raportohet se me datë 11.02.2023 rreth orës 07:00, viktima mashkull kosovar, i cili ka qenë të tretman mjekësor ka ndërruar jetë. Me vendim të prokurorit, trupi i pa jetë dërgohet për obduksion në IML”, thuhet në raportin e Policisë.
Punonjësi ishte rrëzuar nga lartësia, ndërsa ishte dërguar me lëndime të rënda në QKUK.
Policia kishte arrestuar dy burra, pronarë të kompanive punëkryese dhe ishin dërguar në mbajtje. Rasti ishte cilësuar si “asgjësim, dëmtim ose heqje e pajisjeve mbrojtëse dhe rrezik i sigurisë në vendin e punës”.
