Këtë të enjte një person ka humbur jetën në fshatin Jezerc të komunës së Ferizajt, si pasojë e një aksidenti rrugor.
Zëdhënësi i Policisë për Rajonin e Ferizajt, Kanun Veseli, tha se shoferi i kamionit ka humbur kontrollin mbi kamionin që po e drejtonte, dhe si pasojë ka mbetur i vdekur.
Rrethanat se si erdhi deri te aksidenti ende nuk dihen, derisa nga Policia kanë theksuar se për detaje tjera do të njoftojnë me kohë.
Përgjigja e plotë:
Më 11.07.2024 rreth ores 13:30 kemi pranuar një informatë se në fshatin Jezerc të Ferizajt, tek vendi i quajtuar ” Reka e Vogël ” është një aksident ku është përfshirë një kamion trasportues.
Ekipe të policisë, njësitet e rendit dhe hetuesit policorë të aksidenteve të Njësisë së Konunikacionit Rrugor kanë dalë në vendin e ngjarjes, të cilët kanë mësuar se si pasojë e këtij aksidenti ka humbur jetën shoferi i kamionit, shqiptar, kosovar i moshës madhore, vdekja e të cilit është konstatuar në vendin e ngjarjes nga mjekët të Emergjencës së Ferizajt.
Nga hetimet e para dyshohet se kamioni ka qenë në lëvizje nga Ferizaj në drejtim të fshatit Jezercë dhe me të arritur tek vendi i quajtur ” Reka e vogël” në rrethana ende të panjohura, shoferi ka humbur kontrollin mbi kamionin dhe është rrokullisur poshtë rrugës disa metra.
Për të gjitha veprimet policore është njoftuar prokurori i shtetit.
Për informacione shtesë do të njoftoheni me kohë
