Policia e Kosovës njofton se një grua ka vdekur në Vushtrri, pasi e njëjta ka rënë në bunar.
Në raportin 24 orësh të Policisë, thuhet se rasti ka ndodhur të martën, rreth orës 14:00.
Policia njofton se rasti është iniciuar si “Vdekje e dyshimtë”.
“Vushtrri 06.06.2023 – 14:00. Është raportuar se një femër kosovare ka rënë në bunar. Njësia e zjarrfikësve, emergjenca dhe policia kanë dalë në vendin e ngjarjes dhe kanë tërhequr trupin e pa jetë të viktimës”, thuhet në njoftim.
Bëhet e ditur se vdekjen e viktimës e ka konstatuar mjeku, ndërsa me vendim të prokurorit trupi i pajetë është dërguar në Institutin e Mjekësisë Ligjore për obduksion.
