Shonka Dukureh, këngëtarja dhe aktorja e “Elvis”, është gjetur e vdekur në banesën e saj në Nashville, sipas Departamentit të Policisë Metro Nashville.
Dukureh, 44-vjeçe, u gjet e vdekur në dhomën e gjumit ku ajo e ndante bashkë me dy fëmijët e saj.
Në filmin e fundit të quajtur “Elvis”, ajo kishte personazhin e Big Mama Thornton.
Sipas policisë, një nga fëmijët e Dukureh zbuloi se ajo nuk reagonte dhe kërkoi ndihmë në banesën e një fqinji. Tutje, fqinji telefonoi 911 në orën 9:27.
Policia thotë se në vdekjen e saj nuk kishte vend për dyshime. Sipas një zëdhënësi të MNPD -së, eksperti mjekësor aktualisht po punon për të përcaktuar shkakun e vdekjes.
Dukureh , e cila ka lindur në Charlotte, Karolina e Veriut dhe tani po jetonte në Nashville, fitoi një diplomë bachelor në teatër nga Universiteti Fisk.
Ajo ishte gjithashtu një e diplomuar në Universitetin Trevecca Nazarene me një master në edukim.
Për rolin si Big Mama Thornton, ajo kishte deklararuar në një intervistë: “Big Mama Thornton ishte me të vërtetë e papërpunuar me atë që bëri dhe shumë e sinqertë dhe e vërtetë teksa bëri muzikë ashtu siç e ndjente”.
“E respektoja atë, respektoja trashëgiminë e saj, respektoja shpirtin e saj, respektoja gjithçka për atë që ajo solli në muzikë dhe kuptova që unë jam në gjendje ta bëj sepse ajo është e bëri dhe e hodhi atë themel”. /Telegrafi/
