Në orët e hershme të mëngjesit të sotëm ka ndodhur një aksident trafiku me fatalitet.
Aksidenti ndodhi në rrugën “Fahri Fazliu”, e cila ndodhet në lagjen “Kodra e Trimave” në Prishtinë.
Mësohet se nga ky aksident ka mbetur i vdekur një 19-vjeçar me inicialet J.S.
Rastin e ka konfirmuar zëdhënësja e policisë për Rajonin e Prishtinës, Flora Ahmeti.
Ahmeti ka thënë se në këtë aksident kanë qenë të përfshirë dy këmbësorë dhe tri vetura.
“Rreth orës 01:20 kemi pranuar informatën se në rrugën “Fahri Fazliu” në Prishtinë, ka ndodhur një aksident trafiku me pasoja fatale. Në këtë aksident kanë qenë të përfshirë, dy këmbësorë dhe tri vetura (një veturë në lëvizje dhe dy të parkuara). Si pasojë e aksidentit lëndime trupore kanë pësuar tre persona, një prej tyre (këmbësor) nuk ka arrit të përballojë plagët dhe i njëjti ka ndërruar jetë. Viktima është J.S, mashkull, 19 vjeç dhe trupi i tij është dërguar për obduksion në Institutin e Mjekësisë Ligjore”, tha ajo.
E për këtë rast, Policia e Kosovës e ka arrestuar shoferin e veturës që ka shkaktuar aksidentin dhe ndaj tij me urdhër të prokurorit është caktuar masa e ndalimit për 48 orë, deri në marrjen e një vendimi tjetër nga organet e drejtësisë.
