Policia e Kosovës njofton se është raportuar se një person është hasur i shtrirë në rrugë dhe i njëjti ishte dërguar në qendrën emergjente në Gjilan, ku nga mjeku përgjegjës është konstatuar se viktima është pa shenja jete.
Në raportin 24 orësh të Policisë, thuhet se rasti ka ndodhur të martën, rreth orës 15:53 në Gjilan dhe është iniciuar si “Vdekje e dyshimtë”.
“Është raportuar se është hasur i shtrirë në rrugë një person, njësitë relevante policore dhe një ekip mjekësor kanë dalur në vendin e ngjarjes. Personi i lënduar është dërguar në qendrën emergjente në Gjilan ku nga mjeku përgjegjës është konstatuar se viktima mashkull kosovar është pa shenja jete. Me urdhër të prokurorit trupi i pa jetë i viktimës është dërguar në IML për obduksion”, thuhet në njoftim.
Bëhet e ditur se rasti po vazhdon të hetohet.
