Policia e Kosovës ka njoftuar se është ndaluar një person në lidhje me rastin e vdekjes së 31-vjeçarit që vdiq pasi ra nga një objekt në ndërtim në Vushtrri.
Sipas njoftimit, hetuesit policorë të Sektorit Rajonal të Hetimeve, në koordinim me prokurorin, kanë ndërmarrë veprime hetimore lidhur me rastin, ku janë intervistuar disa dëshmitarë dhe një person i dyshuar.
“Hetuesit policorë të Sektorit Rajonal të Hetimeve në koordinim me prokurorin kanë ndërmarrë veprime hetimore lidhur me rastin ku janë intervistuar pesë (5) persona në cilësinë e dëshmitarëve, ndërsa në prani të avokatit mbrojtës është intervistuar edhe një person i dyshuar”, thuhet në njoftim.
Pas intervistimit të tij, prokurori kujdestar ka nxjerrë aktvendim për ndalimin e të dyshuarit për 48 orë.
“Pas intervistimit, është njoftuar prokurori kujdestar, i cili ka nxjerrë aktvendim për ndalimin e të dyshuarit për 48 orë”, thekson policia.
