Drejtori i aktual i Shërbimit Spitalor Klinik Universitar të Kosovës, Valbon Krasniqi pritet të shkarkohet sot nga kjo pozitë.
Shkarkimi pritet të ndodhë pas shqyrtimit të Raportit të Zyrës së Auditorit nga ana e Bordit Drejtues të SHSKUK-së. Raporti i ZKA-së ka nxjerrë një sërë parregullsish që janë bërë brenda SHSKUK-së.
Zyra Kombëtare e Auditorit (ZKA), ka nxjerr katërmbëdhjetë shkelje që dyshohet se janë bërë nga ana e Shërbimit Spitalor Klinik Universitar gjatë vitit 2021. Bazuar në të dhënat e ZKA-së, Qendra Klinike Universitare e Kosovës dhe spitalet rajonale kanë keqmenaxhuar buxhetin. Shqetësuese janë gjetjet në procesin e tenderëve.
ZKA javën e kaluar konfirmoi për Insajderin se rastet i ka dërguar në Prokurori, e këta të fundit që ato i kanë shpërndarë nëpër prokuroritë kompetente.
Valbon Krasniqi mbanë pozitën e drejtorit të ShSKUK-së që nga shkurti i vitit të kaluar./insajder/
