Ushtarët italianë të Komandës Rajonale në perëndim të misionit KFOR të udhëhequr nga NATO kanë realizuar patrullime rutinë përgjatë Vijave Kufitare Administrative (ABL) në veri të komunës së Istogut. Aktivitetet, të cilat përfshijnë patrullime motorizuara dhe në këmbë, kanë për qëllim të sigurojnë një prani të vazhdueshme në zonë dhe të ruajnë sigurinë.
KFOR-i vazhdon të zbatojë mandatin e tij, duke kontribuar në krijimin e një mjedisi të sigurt dhe të mbrojtur për të gjithë qytetarët dhe komunitetet në Kosovë, duke garantuar lirinë e lëvizjes. KFOR-i punon ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në rolet e tyre përkatëse si reagues të sigurisë.
