UEFA ka konfirmuar zyrtarisht sot (e martë) se Kampionati Evropian i vitit 2028 do të organizohet nga Mbretëria e Bashkuar dhe Republika e Irlandës, ndërsa Euro 2032 nga Italia dhe Turqia në një kandidaturë të përbashkët.
Sot gjatë një mbledhje të mbajtur në selinë e UEFA-s në Zvicër, Komiteti Ekzekutiv i UEFA-s ka caktuar federatat pritëse për EURO 2028 dhe EURO 2032.
Kështu, organizimin e EURO 2028 e kanë fituar Mbretëria e Bashkuar dhe Republika e Irlandës.
“EURO 2028 do të zhvillohet në Mbretërinë e Bashkuar dhe Republikën e Irlandës! Vendet e propozuara përfshijnë Belfast, Birmingham, Cardiff, Dublin, Glasgow, Liverpool, Londër (x2) Mançester dhe Newcastle”, thuhet në njoftimin e UEFA-s.
Përveç kësaj, UEFA konfirmoi gjithashtu se kandidatura e përbashkët e Italisë dhe Turqisë ka fituar organizimin e Euro 2032.
“Urime Italisë dhe Turqisë, bashkë-pritëse të EURO 2032! Ofertuesit e përbashkët prezantuan 20 stadiume të mundshme pritëse, nga të cilat 10 do të zgjidhen, pesë për shtet, deri në tetor 2026”, thuhet në njoftim.
🇬🇧➕🇮🇪 CONFIRMED: #EURO2028 will take place in the UK and Republic of Ireland!
— UEFA (@UEFA) October 10, 2023
Proposed venues include Belfast, Birmingham, Cardiff, Dublin, Glasgow, Liverpool, London (x2) Manchester and Newcastle.
Congratulations to our confirmed hosts! pic.twitter.com/elnLbjWgam
🇮🇹➕🇹🇷 Congratulations to Italy and Türkiye, co-hosts of #EURO2032!
— UEFA (@UEFA) October 10, 2023
The joint bidders presented 20 potential host stadiums, of which 10 will be chosen, five per country, by October 2026. pic.twitter.com/HYonnztmHc
