Liga e Kampionëve, kompeticioni më i rëndësishëm në botë nga sezoni i ri 2024/25 nuk do të ketë më fazë të grupeve.
Duke nisur nga sezoni 2018/19, 26 skuadrat do të kualifikohen direkt në fazën e grupeve të Ligës së Kampionëve.
UEFA ka ndryshuar këtë sistem duke e rritur numrin në 36 sosh, andaj edhe faza e grupeve do të zëvendësohet me të ashtuquajturën “faza e ligës”.
Secila skuadër do t’i zhvillojë tetë ndeshje, katër në shtëpi dhe katër si mysafir, që është një më shumë se ato që realizoheshin në fazën e grupeve.
Skuadrat që renditen në pozitat 1-8 do ta sigurojnë direkt kualifikimin për raundin e 16-të më të mirëve, kurse ato që renditen në pozitat 9-24 do të përballen me njëra-tjetrën në një play-off nokauti.
Ndërsa, skuadrat që do të renditen 25-36 do të eliminohen përfundimisht nga kompeticioni.
Po ashtu e njëjta do të ndodhë edhe me kompeticionet e tjera, si Liga e Evropës dhe Liga e Konferencës, vetëm se te kjo e fundit secila skuadër do t’i zhvillojë vetëm gjashtë ndeshje në fazën e ligës.
An exciting new era for European club football awaits 🤩
— UEFA Champions League (@ChampionsLeague) March 4, 2024
Here’s how the #UCL will look from 2024/25 👇 pic.twitter.com/mEffFOpX2O
