Një person i privuar nga liria ka arritur të arratiset nga stacioni policor në Gjakovë, mbrëmjen e së premtes.
Sipas raportit të policisë, i dyshuari mashkull kosovar, ka qenë duke u intervistuar në ambientet e stacionit policor..
Gjatë qëndrimit në zyrën e intervistimit, ai ka shfrytëzuar një moment për të ikur përmes dritares, duke u larguar nga objekti i policisë në një drejtim të panjohur..
“Rr. Skënderbeu, Gjakovë 17.04.2026-21:20. Raportohet se i dyshuari mashkull kosovar, derisa ka qenë në zyrën e intervistimit, ka arritur të largohet përmes dritares duke u larguar nga objekti i stacionit policor në drejtim të panjohur. Lidhur me rastin është njoftuar prokurori”, thuhet në raportin 24-orësh të policisë
