Një fluturim Cathay Pacific që nisej nga Boston u detyrua të kthehej menjëherë pas ngritjes pas raportimeve për tym në kabinë.
Pamjet e postuara në internet supozohet se tregojnë tymin që mbush kabinën e Fluturimit CX811 – një Airbus A350 – pasi u nis për në Hong Kong herët në mëngjesin e së hënës, shkruajnë mediat e huaja.
“Fillimisht, mendova se ishte, si, ndoshta është vetëm ndryshimi i ajrit në lartësi”, ka thënë pasagjerja Emily Chen.
“Dhe më pas thashë, ‘Nuk mund të marr frymë. Çfarë po ndodh?”, ka shtuar ajo, duke e përshkruar incidentin si “të frikshëm”.
Aeroplani përfundimisht u ul i sigurt në Boston rreth orës 03:21 të mëngjesit, sipas të dhënave nga faqja e internetit FlightAware.
