Presidenti i Shteteve të Bashkuara të Amerikës, Donald Trump, ka njoftuar vendosjen e tarifave të reja ndaj partnerëve tregtarë të SHBA-së, të cilat do të hyjnë në fuqi që nga mesnata e sotme.
Gjatë një fjalimi në Shtëpinë e Bardhë, ai ka shfaqur një grafik për të ilustruar tarifat ekzistuese dhe të reja.
Trump nënshkruan urdhrin ekzekutiv për tarifa reciproke: SHBA-ja deri më tani ishte plaçkitur dhe dhunuar nga kombet e tjera
Trump nënshkruan urdhrin ekzekutiv për tarifa reciproke: SHBA-ja deri më tani ishte plaçkitur dhe dhunuar nga kombet e tjera
Në listën e shteteve të prekura nga tarifat e reja figuron edhe Kosova, e cila do të përballet me një tarifë prej 10 për qind. Me të njëjtën tarifë është ‘ndëshkuar’ edhe Shqipëria dhe Mali i Zi.
Ndërkohë, Serbisë i ka vendosur tarifë prej 37 për qind. Gjithashtu Bosnja dhe Hercegovina do të tarifohen me 35 për qind ndërsa Maqedonia e Veriut me 33 për qind.
Ndryshe, duke sjellë një grafik për t’ia treguar audiencës, ai ka theksuar se Kina “ngarkon” Shtetet e Bashkuara me një tarifë prej 67 për qind, kështu që Shtetet e Bashkuara do të ngarkojnë Kinën me një tarifë prej 34 për qind.
SHBA-ja do të vendosë tarifa edhe ndaj Bashkimit Evropian (20 për qind), Vietnamit (46 për qind), Tajvanit (32 për qind), Japonisë (24 për qind), Indisë (26 për qind), Koresë së Jugut (25 për qind) dhe Tajlandës (36 për qind).
