Gjykata Supreme të enjten ia ka mohuar presidentit të zgjedhur të SHBA-së, Donald Trump, përpjekjen e fundit për të shtyrë marrjen e vendimit në rastin për “paratë për heshtje” dhe pas kësaj vendimi pritet të merret të premten (sot).
Vendimi është marrë vetëm 10 ditë para se Trumpi të betohet për një mandat të dytë në Shtëpinë e Bardhë, raportoi CNN
Gjykatësi Juan Merchan ka thënë se nuk është i prirur ta dënojë Tumpin me burgim. Por gjithsesi seanca dëgjimore do të thotë se Trumpi do të jetë presidenti i parë që do të marrë detyrën me dënim për vepra kriminale, të regjistruar në regjistrat zyrtarë.
Trump nuk do të jetë i pranishëm fizikisht në seancën dëgjimore në New York, ku ai ishte dënuar vitin e kaluar por ai do t’i bashkohet seancës virtualisht nga Florida, raportoi një burim i CNN.
Humbja ndaj Gjykatës Supreme është një kthim prapa i rrallë për strategjinë e Trumpit për të vonuar çështjet e tij penale të tij duke apeluar disa raste – të cilat i përdorte në rastet federale për të blerë kohë deri sa ai të mund të përdorte fuqinë e tije ekzekutive për t’i hedhur poshtë ato, pasi t’i fitonte zgjedhjet.
Gjatë një konference, këtë javë, presidenti i zgjedhur Trump u shpreh i mllefosur ndaj situatës së vështirë në të cilën gjendet.
“Unë jam presidenti i zgjedhur i Shteteve të Bashkuara të Amerikës, dhe jam një ish-president shumë i suksesshëm”, ka theksuar Trump, duke u ankuar se ai është viktimë e një “gjyqtari që po punon shumë” që të turpëroj atë.
Trumpi u dënua në maj për 34 akuza për falsifikim të të dhënave të biznesit në lidhje me një pagesë prej 130 mijë dollarëve për yllin e filmave për të rritur, Stormy Daniels.
Trumpi përmes avokatit ia dha këtë pagesë pornostares që ajo të heshtte para zgjedhjeve të vitit 2016, pasi pretendonte se ka pasur marrëdhënie seksuale me presidentin e ri të SHBA-së.
