Presidenti amerikan duket i vendosur të arrijë një marrëveshje me Iranin që synon t’i japë fund armiqësive në Lindjen e Mesme, thanë të martën tre zyrtarë të lartë izraelitë.
Zyrtarët, duke folur në kushte anonimiteti, thanë se e konsideronin të pamundur që Irani të pranonte kërkesat e SHBA-së në çdo raund të ri negociatash, të cilat u ndërprenë më 28 shkurt me fillimin e luftës SHBA-Izrael kundër Iranit.
Kërkesat e SHBA-së ka të ngjarë të përfshijnë kufizime mbi programet bërthamore dhe balistike të Iranit.
Nga ana tjetër, pavarësisht deklaratës së presidentit amerikan një ditë më parë, Izraeli ka vijuar me sulme intensive ndaj objektivave iraniane.
Ushtria izraelite tha se goditi selinë e inteligjencës së Gardës Revolucionare të Iranit, objektet e magazinimit të raketave balistike dhe disa ndërtesa qeveritare – përfshirë një në Ministrinë e Inteligjencës – gjatë natës.
Gjithashtu u pohua se midis 50 objektivave të goditura ishin depo armësh dhe sisteme të mbrojtjes ajrore.
