Donald Trump, Joe Biden dhe Volodymyr Zelensky janë akuzuar se kanë shkelur rregullat e veshjes në ceremoninë e varrimit të Papës Françesku, e cila u mbajt në Vatikan dhe ku morën pjesë mbi 400 mijë njerëz.
Rregullat e veshjes kërkonin që burrat të vishnin kostum të errët me kravatë të zezë të gjatë dhe këmishë të bardhë. Edhe këpucët, çorapet, palltot dhe çadrat duhej të ishin të gjitha të zeza.
Presidenti i Shteteve të Bashkuara të Amerikës, Donald Trump, kishte veshur një kostum ngjyrë të errët të kaltër dhe një kravatë të së njëjtës ngjyrë.
Presidenti i Ukrainës, Volodymyr Zelensky, nuk kishte veshur fare kravatë.
Ish-presidenti amerikan, Joe Biden, kishte veshur një kravatë të kaltër.
Të tre janë akuzuar për mungesë respekti, duke qenë se liderët e tjerë botërorë ishin veshur me rroba të zeza.
Ceremonia e varrimit të Papës Françesku nisi sot në orën 10:00 në Sheshin e Shën Pjetrit në Vatikan, dhe pak pas orës 13:00, u krye varrimi në kishën Santa Maria Maggiore, pranë Vatikanit.
Papa Françesku është Papa i parë pas Leos XIII që është varrosur jashtë Vatikanit.
Vitin e kaluar, ai kishte kërkuar të varrosej në një arkë të thjeshtë prej druri dhe me këpucët e vjetra ortopedike, të cilat shpesh i kishte përdorur edhe në paraqitjet publike.
