Kampionia e Kosovës, Trepça ka mësuar kundërshtarët në kualifikimet e Ligës së Kampionëve në basketboll.
Sfida e parë do të jetë ndaj skuadrës së njohur holandeze, Heroes Den Bosch.
Nëse kampionët e Kosovës kalojnë këtë pengesë, atëherë në gjysmëfinale do të përballen me fituesin e ndeshjes Bakken Bears (Danimarkë) dhe BC Kutaisi 2010 (Gjeorgji).
Njëzet e katër (24) ekipe do të garojnë në tre (3) turne të Raundit Kualifikues.
Të tre turnetë e Raundit Kualifikues do të zhvillohen në fund të shtatorit.
Orari i detajuar i ndeshjeve, si dhe vendi i zhvillimit, do të shpallen më vonë në korrik.
