Sky Sport Italia raporton se yjet e Interit, Lautaro Martinez, Henrikh Mkhitaryan dhe Benjamin Pavard, do të mungojnë në ndeshjen e së dielës në Serie A kundër Torinos, ndërsa Davide Frattesi mbetet në dyshim.
Interi po përgatitet për sfidën në kampionat kundër Torinos vetëm disa ditë pas fitores memorabile 4-3 ndaj Barcelonës në gjysmëfinalet e Champions League.
Reporteri i Sky Sport Italia, Gianluca Di Marzio, konfirmon se Lautaro Martinez, Mkhitaryan dhe Pavard nuk do të jenë në dispozicion kundër Granatës nesër. Lautaro kishte bërë tashmë një rikuperim të shpejtë për ndeshjen e së martës ndaj Barcelonës, duke luajtur 71 minuta në “San Siro”. Mkhitaryan luajti rreth 80 minuta, ndërsa Pavard ishte i padisponueshëm për shkak të një dëmtimi në kyçin e këmbës.
Sipas raportit, ndërkombëtari italian Frattesi mbetet në dyshim për ndeshjen e kampionatit kundër Torinos.
Interi ndodhet në vendin e dytë në tabelën e Serie A, tre pikë larg kryesuesve të Napolit, me vetëm tre ndeshje të mbetura. Napoli do të presë Genoan në “Stadio Maradona” të dielën në orën 20:45 CET dhe do ta dijë tashmë rezultatin e Interit, pasi zikaltërit do të luajnë në orën 18:00 CET të së njëjtës ditë kundër Torinos.
“I ndjeva tërheqjen në këmbë dhe dy ditët e para vetëm qëndrova në shtëpi duke qarë, por bëmë një punë të shkëlqyer me stafin dhe arrita të rikuperohem, edhe pse jo 100 për qind,” i tha Lautaro Martinez Sky Sport Italia.
“Kështu e përjetoj unë futbollin, duhet të japësh gjithçka në këto ndeshje. Ia premtova familjes që do të hyja në fushë sot.
Kam shumë mendime brenda meje. Përballuam një ekip të fortë, por Interi ka ngritur nivelin për katër ose pesë vite, çdo vit, dhe jemi krenarë.
Kjo skuadër nuk dorëzohet kurrë, dhe stadiumi është i jashtëzakonshëm me këta tifozë
