Policia e New Yorkut ka akuzuar pesë persona për vrasjen e një personi që ishte raportuar i zhdukur. Ai ka vdekur pas torturave të vazhdueshme që i janë bërë për më shumë se një muaj nga disa individë e të cilët më pas u munduan t’ia zhduknin trupin në një fushë.
24-vjeçari Sam Nordquist, transgjinor, ishte raportuar i zhdukur më 9 shkurt. Policia ka thënë se ai kishte shkuar në New York në shtator dhe kishte humbur kontaktet me të afërmit.
Policia ka thënë se detajet dhe rrethanat e rastit janë tepër të tmerrshme dhe se është një hetimi “më i rëndë” që ka bërë ndonjëherë, raportoi AP.
“Asnjë qenie njerëzore nuk duhet të durojë atë që Sam ka duruar”, u tha nga policia.
Hetimi deri tani ka zbuluar “prova thellësisht shqetësuese të abuzimit” që çuan në vdekjen e Nordquistit, por nuk janë dhënë detaje nga rasti derisa hetimi po vazhdon.
