Pamjet nga seanca e parë stërvitore e Arda Guler si lojtar i Real Madridit janë shfaqur pas transferimit të tij të shumëpritur nga Fenerbahçe.
Ylli i ri turk, i cili u ndoq nga një numër i madh i klubeve evropiane këtë verë, u prezantua te “Los Blancos” javën e kaluar.
Guler shfaqi aftësitë e tij që në seancën e parë stërvitore.
Mesfushori turk bëri një sërë prekjesh mjeshtërore gjatë gjithë kohës, duke bërë që shumë tifozë të thurin lavde për të.
Në një rast, 18-vjeçari mori topin gjatë stërvitjes dhe bëri një pasim me thembër, duke e mashtruar Alvaro Odriozolan me lëvizjen e tij.
Njëri tifoz në “Twitter” shkroi: “Ky i ri do të shkatërrojë mbrojtjen me këto pasime të thjeshta me një prekje”, ndërsa një tjetër komentoi: “Është shumë emocionuese të jesh një tifoz i Real Madridit”.
Një i tretë shkroi: “Vizioni i tij i lojës është tashmë i pabesueshëm në këtë moshë”.
Një i katërti shtoi: “Kishte një pasim që bëri në videon që pashë dhe pati një duartrokitje nga ekipi stërvitor”.
