Presidentja e Kosovës, Vjosa Osmani, gjatë vizitës së saj zyrtare në Riga të Letonisë, ka riafirmuar përkushtimin e Kosovës si një aleate e besueshme në mbrojtje të vlerave demokratike dhe të sigurisë globale.
Ajo vizitoi Qendrën e Ekselencës së NATO-s për Komunikim Strategjik (STRATCOM), të cilën e cilësoi si një institucion kyç në luftën kundër kërcënimeve hibride dhe mbrojtjes së integritetit të informacionit. Presidentja bëri të ditur se me përfaqësuesit e qendrës u diskutua për thellimin e bashkëpunimit në ndërtimin e kapaciteteve në fushën e sigurisë kibernetike dhe komunikimit strategjik, si pjesë e përpjekjeve të Kosovës për anëtarësim në NATO.
Në kuadër të kësaj vizite, Osmani mori pjesë edhe në një diskutim të organizuar në Shtëpinë e Evropës me gra lidere dhe aktiviste në Letoni. Ajo ndau me to rrugëtimin e Kosovës nga lufta drejt konsolidimit të demokracisë, duke theksuar se gratë janë në qendër të çdo procesi demokratik dhe të sigurisë në vend.
Presidentja e Kosovës përmbylli vizitën me një ndalesë në Muzeun e Okupimit të Letonisë, duke e cilësuar si një moment reflektimi të thellë mbi historinë e përbashkët të qëndresës ndaj pushtimit dhe padrejtësisë.
“Si Kosova, ashtu edhe Letonia, mbijetuan përmes rezistencës dhe krenarisë kombëtare. Kujtesa kolektive është forca jonë – për të mos harruar të kaluarën e lavdishme dhe për të ndërtuar një të ardhme të drejtë e të sigurt”, theksoi Osmani.
Vizita në Letoni vjen
