Tërmet në ShBA Një tërmet me magnitudë prej 3.8 shkallë të Rihterit ka goditur të martën qytetin Buffalo në New York.
NBCNEWS raportoi se kjo dridhje ishte më e madhe në këtë zonë në 40 vitet e fundit, ndërsa nuk janë regjistruar dëme.
Kreu i zonës, Mark Poloncarz, deklaroi se ka biseduar me Departamentin e Emergjencës për situatën.
“Kërceva nga shtrati, mu duk sikur një veturë goditi shtëpinë time”, tha ai.
Në këtë periudhë, Turqia dhe Siria po përballen me pasojat e një tërmeti masiv me mijëra të vdekur.
