Policia e Kosovës (PK) njofton se gjatë tentimit për ta ndaluar, një i dyshuar kishte kanosur zyrtarët policorë duke ua drejtuar armën dhe me shpejtësi ishte larguar nga vendi i ngjarjes.
Në raportin 24 orësh të Policisë, thuhet se rasti ka ndodhur të martën, rreth orës 15:00 në Vushtrri dhe është iniciuar si “Kanosje”.
“Njësitë policore gjatë tentimit për ta ndaluar të dyshuarin mashkull kosovar, i njëjti është larguar me shpejtësi nga vendi i ngjarjes, ku gjatë ikjes ua ka drejtuar zyrtarëve policor armën. Në konsultim me prokurorin është kontrolluar lokacioni i të njëjtit por i njëjti nuk është hasur. Rasti i referohet hetuesisë për procedura të mëtejme hetimore”, thuhet në njoftim.
